逆天奇案2 | 梁小冰与老公陈嘉辉相隔23年再合作

相隔26年，再拍无线剧的梁小冰在《逆天奇案2》于4月16日一集终于登场！小冰在剧中饰演的阿兰因历尽不幸，令样子看上去比真实年纪大很多，40多岁的年纪不但已满头白发，同时亦满面皱纹，比起现实中已年届 54岁的靓靓小冰样子更要老一截，令网民大叹造型有惊喜！

除了有惊喜造型，梁小冰亦与真实老公陈嘉辉相隔23年再合作，今次更是两人第4度演一对！

小冰坦言自己之所以一口答应监制邀请演出，全因角度够晒高难度。“唔经唔觉都主演咗50几部作品，作为演员梗系想所有角色都演吓，呢个角色好有挑战性，大家都会谂我会演CEO高层呢啲角色，呢个角色无论遭遇同造型都够晒估唔到。”小冰续指今次拍摄最开心是重遇多年老友：“监制、导演、摄影师同造型师全部起码识咗30年，我觉得呢个团队超晒班！”

小冰续指由于监制想于剧集播出前，尽量保密老妆造型，故小冰为了配合保密也花了不少心力。“好似我化咗妆后，有好多演员要求合照，我都要谂好多原因去拒绝。因为唔想曝光个妆，造型一曝咗光就会令到观众没晒惊喜。”小冰又大爆为了角色刻意减磅：“我喺2023年1月最高峰（体重）系132磅，其实我本身都想减肥嘅，点知家豪哥同志江打电话嚟邀请我，令我更加有动力去减。拍摄嗰阵我减到116磅左右，我依家就已经减到104磅，简直系重生一样！”

第13集剧情峰回路转，历尽不幸的阿兰（梁小冰饰）最终接受徐仁达（陈嘉辉饰）追求谱黄昏恋。讲到与老公嘉辉哥再度合作，小冰笑言两人默契依旧，并笑言全靠有嘉辉哥做拍档。“我哋会喺屋企对好晒啲对白，但唔会排戏，因为到现场先演会撞到个火花出嚟。我好多谢佢，佢系睇住你嘅情绪再去交对白，例如会睇住你啲眼泪流晒落嚟，佢先去下一Part（对白），没一个拍档系可以事隔咁多年，个默契都仲可以喺度。”小冰又大赞老公专业，“佢好有纪律，唔止准时仲会早到，所有对白都记到滚瓜烂熟，同埋佢系一个好好先生，唔锺意同人闹交，同所有人都交流得好好。”小冰笑谓与嘉辉哥合作过的女演员都有赞没弹：“好似锺嘉欣、苏玉华、陈滢、反骨琪（蒋家旻）佢哋见到我，都会话你老公好正，真系一个好好嘅对手，我真系觉得好幸福。”

嘉辉哥在剧中是一位痴心情长剑、对阿兰呵护备至，现实中嘉辉哥亦同样是绝世好男人加爱妻号。小冰开心分享嘉辉哥每日“冧猪语录”，“我老公好玩得，每日起身都会话：‘你好靓喎’，结婚20几年都系咁，讲嘢好甜，就算我卷到个头好似包租婆咁，佢都话：‘点解可以咁靓’。”小冰坦言两人亦有闹交时，但嘉辉哥仅以一招便能成功收服老婆，小冰透露：“我性格系一有问题就会blablabla 讲晒出嚟，佢就叫我慢慢讲、唔好嬲，同埋叫我可以选择用另一种方式（表达），例如喺最嬲时唔好讲嘢，写出嚟。以前我就写晒喺张纸上，写完几千字都已经唔嬲啦，依家就转用WhatsApp。”小冰笑谓两人结婚多年，现在已经是无声胜有声。“依家唔使讲嘢都知大家谂咩㗎喇，唔使咁多说话同沟通，呢个就系默契！”